Úttekt á stöðu samræmds skrifstofuhugbúnaðar

Stafrænt umbreytingateymi Sambands íslenskra sveitarfélaga hefur samið við KPMG um að gera úttekt á stöðu samræmds skrifstofuhugbúnaðar hjá íslenskum sveitarfélögum. Úttektin er liður í undirbúningi fyrir samvinnuverkefni sveitarfélaga í stafrænni umbreytingu á næsta ári sem snúa að hugbúnaðarleyfamálum og rafrænni skjalavörslu.

Kolefnisreiknivél á Lausnatorgi

Ný lausn er komin í Lausnatorgið sem er kolefnisreiknivél. Sveitarfélög geta sett upp lausnina á sínar vefsíður og boðið íbúum sem eru í landbúnaði að reikna út kolefnislosun á ári. Þau sveitarfélög sem vilja auka meðvitund um kolefnisspor af landbúnaði geta nýtt sér lausnina.

Kolefnisreiknivélin býður upp á að setja inn forsendur á borð við fjölda sauðfjár, fjölda mjólkandi kúa, eldsneytisnotkun og landnýtingu sem gefur útreiknaða áætlaða kolefnislosun á ári.

Reynslusaga um stafræn bókasafnsskírteini

Í lok júní 2021 tók Bókasafn Hafnarfjarðar í notkun stafræn bókasafnsskírteini fyrst allra almenningsbókasafna á landinu. Stafræna skírteinið leysir af hólmi plastskírteini sem notuð hafa verið í fjölda ára þó er enn hægt að fá plastskírteini fyrir þá sem það kjósa. Verkefnið var unnið í samstarfi við íslenska sprotafyrirtækið SmartSolutions.

Reynslusaga um Betra Ísland

Ný reynslusaga er komin inn á stafræna vefinn fyrir Betra Ísland frá þeim Sigrúnu verkefnastjóra íbúatengsla í Kópavogi og Sólveigu skipulagsfræðing í Garðabæ. Þær sögðu frá því hvernig sveitarfélögin nýta sér Betra Ísland, þátttöku íbúana, kosti og áskoranir við notkun kerfisins. Betra Ísland hefur verið notað af mörgum sveitarfélögum til að setja upp hugmyndasöfnun á verkefnum þar sem hægt er að kjósa mili hugmynda þar sem verkefnum er þá forgangsraðað í samráði við íbúa. Bæði Kópavogur og Garðabær hafa fengið góða þátttöku íbúa þegar kemur að hugmyndasafnanir fyrir framkvæmdir í þeirra sveitarfélögum.