Mest lesið árið 2021

Það bættist ýmislegt nýtt við stafrænu vefsíðu sveitarfélaga á árinu 2021 með tilkomu stafræna umbreytingateymis Sambands íslenskra sveitarfélaga.

Á árinu var haldin vefráðstefna um stafræna umbreytingu sveitarfélaga sem fékk mikið áhorf, áhættugreining kennsluhugbúnaðar var sett upp á vefinn, tvær lausnir bættust við á Lausnatorgið, nýtt efni bættist við á Kistuna og nýjar reynslusögur komu frá sveitarfélögum.

Áhættugreining upplýsingakerfa í Kistunni

Gagnlegt getur verið fyrir sveitarfélög að áhættugreina upplýsingakerfi, viðskiptaferla og aðra innviði. Við það eykst gagnavernd ásamt upplýsingaöryggi.

Inn í Kistuna hafa bæst við leiðbeiningar og eyðublöð fyrir áhættugreiningu á upplýsingakerfum, viðskiptaferlum og öðrum innviðum.

Áhættugreiningin er framkvæmd til að greina mögulegar ógnir, varnarleysi gagnvart ógnum og líkur á að ógnir eigi sér stað. Auk þess eru afleiðingar metnar með tilliti til missi á trúnaði, heilindum og aðgengis.

Mikilvægt er að notast við leiðbeiningarnar á meðan eyðublöðin eru fyllt út. Bæði áhrifamatið og varnarleysismatið innihalda dæmi um afleiðingar og ógnir sem hægt er að styðjast við við áhættugreininguna.