Stafrænt samvinnuverkefni í loftið

Á sl. ári hófst samstarf sambandsins, sveitarfélaga, Stafræns Íslands, Kolibri, Andes, Skattsins og Þjóðskrár við gerð fjárhagsaðstoðar í sjálfsafgreiðsluferli inn á Ísland.is. Fyrsta sveitarfélagið er nú komið í loftið og næstu sveitarfélög á leiðinni inn. Þróun lausnarinnar hefur falið í sér mikinn lærdóm og hefur rutt brautina fyrir áframhaldandi þróun á stafrænni þjónustu sveitarfélaga inn á Ísland.is og boðar gott um næstu skref í sameiginlegri vegferð sveitarfélaga í stafrænni umbreytingu.

Nánari upplýsingar

Verkefnasíða fjárhagsaðstoðar

Verkefnasíða hefur verið sett upp fyrir umsókn um fjárhagsaðstoð. Hægt er að lesa um verkefnið, markmið þess, áskoranir og ávinning. Einnig er hægt að skoða innleiðingaráætlunina ásamt viðtölum við það fólk sem kemur að þróuninni og innleiðingunni.

Nánari upplýsingar

Hugmyndabanki

Á stafrænu síðu sveitarfélaga hefur bæst við hugmyndabanki. Þar er hægt að koma hugmynd á framfæri um stafrænt verkefni sem gæti verið hagkvæmt og skynsamlegt fyrir sveitarfélögin að vinna sameiginlega. Hver sem er getur sent inn hugmynd en þær hugmyndir sem koma inn verða svo valdar reglulega í samráði við faghóp um stafræna umbreytingu.

Skrá inn hugmynd

Leiðbeiningar vegna áhættugreiningar á Microsoft lausnum

Í Kistuna hafa bæst við leiðbeiningar vegna áhættugreiningar á Microsoft lausnum. Nauðsynlegt er fyrir öll sveitarfélög að framkvæma áhættugreiningu á sinni notkun og bregðast við niðurstöðum til að takmarka áhættu við notkun þessara lausna, meðal annars þegar kemur að vinnslu persónuupplýsinga um íbúa eða starfsfólk.

Skoða leiðbeiningar

Næsta vefkaffi

Erum við tilbúin í stafræna vegferð?

Sigríður Magnea Björgvinsdóttir deildarstjóri upplýsingatækni og stafrænnar þróunar kemur þann 20.apríl og kynnir innleiðingu hjá Árborg á Workpoint.

Skráning á vefkaffi