Ýmislegt hefur verið í gangi síðastliðinn mánuð hjá stafræna umbreytingateymi Sambandsins fyrir utan störf í þeim sameiginlegu stafrænu verkefnum sem sveitarfélögin eru í á þessu ári. Teymið tók þátt í stefnumörkun sveitarfélaga á Landsþingi Sambandsins, var með bás á fjármálaráðstefnu sveitarfélaga, vann að fjárhagsáætlun sveitarfélaga vegna sameiginlegra stafrænna verkefna á næsta ári sem sveitarstjórar fengu senda 26.október og hélt tvö vefkaffi. Nánari upplýsingar um þessa hluti og fleiri má finna í meðfylgjandi fréttabréfi.

Stefnumörkun stafrænnar þróunar á Landsþingi sambandsins

Landsþing Sambands íslenskra sveitarfélaga fór fram á Akureyri dagana 28. - 30. september. Kjörnir fulltrúar sveitarfélaganna ræddu sex markmið er snúa að stafrænni umbreytingu sveitarfélaga og eru þau hluti af stefnu Sambandsins til næstu fjögurra ára.

Nánar um stefnumarkmið

Vinnustofa fyrir skrifstofuumhverfi sveitarfélaga

Vinnustofa var haldin miðvikudaginn 12. október sl. fyrir fjármálaráðstefnu sveitarfélaga. Vinnustofan var fyrir ákvörðunartöku um kaup á hugbúnaði fyrir skrifstofuumhverfi sveitarfélaga. Þátttakendur voru að mestu leyti fjármálastjórar.

Nánar um vinnustofuna

Forgreining fyrir spjallmenni

Unnin hefur verið forgreining á innleiðingu spjallmennis sveitarfélaga. Í skýrslunni koma meðal annars fram niðurstöður vinnustofu sem haldin var í ágúst.

Niðurstöður greiningar

Vefkaffi

Cludo leitarvél fyrir vefi

Þann 3.nóvember kl. 10 mun verða kynning á hugbúnaðinum Cludo sem er leitarlausn fyrir vef, app og innra net. Kynningaraðilar verða frá Origo og Cludo ásamt því að Sigurjón Ólafsson og Garðar Rafn Eyjólfsson frá Hafnarfirði munu segja frá þeirra innleiðingu á Cludo.

Skráning

Skjalastjórnun og málakerfi í Workpoint

Þann 27.október var haldin kynning á Workpoint lausninni fyrir sveitarfélögin. Workpoint er lausn sem vinnur ofan á Sharepoint og gerir meðal annars kleift að halda utan um skjalastjórnun, verkefni, málakerfi og samninga. Hægt er að hlusta á upptöku kynningarinnar

Horfa á upptöku