Vinnustofa var haldin miðvikudaginn 12. október sl. fyrir fjármálaráðstefnu sveitarfélaga. Vinnustofan var vegna ákvörðunartöku um kaup á hugbúnaði fyrir skrifstofuumhverfi sveitarfélaga. Þátttakendur vinnustofunnar voru að mestu leyti fjármálastjórar eða ákvörðurnartökuaðilar vegna hugbúnaðarkaupa, alls 22 manns frá um 12 sveitarfélögum.
Í fyrri hluta vinnustofunnar voru haldnar þrjár kynningar: Fjóla María Ágústsdóttir leiðtogi stafræns umbreytingateymis sveitarfélaga kynnti tæknilega innviðauppbyggingu sveitarfélaga til að takast á við tækninýjungar og stafræna umbreytingu, Tryggvi Jónsson frá Trigger ehf. kynnti meiri samvinnu og betri samskipti með samræmdum innviðum og skrifstofuumhverfi og í lokin sagði Sigríður Magnea Björgvinsdóttir verktaki stafræna umbreytingateymisins og deildarstjóri upplýsingatæknisviðs Árborgar frá einfaldari skjalamálum og hvers vegna.
![](https://stafraen.sveitarfelog.is/wp-content/uploads/2022/10/vinnustofa-fjola.jpg)
![](https://stafraen.sveitarfelog.is/wp-content/uploads/2022/10/vinnustofa-tryggvi2-1024x487.jpg)
![](https://stafraen.sveitarfelog.is/wp-content/uploads/2022/10/vinnustofa-sigridurmagnea2.jpg)
Í seinni hluta vinnustofunnar greindi hópurinn áskoranir/hindranir sveitarfélaga við hugbúnaðarkaup.
![](https://stafraen.sveitarfelog.is/wp-content/uploads/2022/10/vinnustofa3-scaled.jpg)
![](https://stafraen.sveitarfelog.is/wp-content/uploads/2022/10/vinnustofa2-scaled.jpg)
![](https://stafraen.sveitarfelog.is/wp-content/uploads/2022/10/vinnustofa1-scaled.jpg)
Bás stafræns umbreytingateymis á Fjármálaráðstefnu sveitarfélaga
Líkt á Landsþingi sambandsins, þá var stafræna umbreytingateymið með bás á fjármálaráðstefnu sveitarfélaga þar sem sýndar voru glærur með ýmsum gagnlegum upplýsingum varðandi stafræn málefni sveitarfélaga.
![](https://stafraen.sveitarfelog.is/wp-content/uploads/2022/10/fjarmalaradstefna-hrundogfjola-scaled.jpg)
![](https://stafraen.sveitarfelog.is/wp-content/uploads/2022/10/fjarmalaradstefna-bordi-scaled.jpg)