Innleiðingaráætlun fyrir umsóknir um fjárhagsaðstoð

Gert er ráð fyrir að innleiðing á miðlægum hugbúnaði fyrir umsóknir um fjárhagsaðstoð á Ísland.is fari fram á tímabilinu 1. febrúar 2022 – 1. júlí 2022. Á fyrri hluta árs 2022 er gert ráð fyrir því að opna aðgang að kerfinu fyrir öll áhugasöm sveitarfélög og félagsþjónustusvæði og bjóða upp á stuðning við innleiðingu.

Innleiðingaráætlun stafræns pósthólfs

Á síðasta ári voru samþykkt lög um stafrænt pósthólf í miðlægri þjónustugátt stjórnvalda. Með þeim er fest í sessi sýn stjórnvalda um að meginboðleið samskipta við einstaklinga og lögaðila verði stafræn og miðlæg á einum stað, gegnum stafrænt pósthólf á Ísland.is.

Horft tilbaka og framtíðin

Fjóla María Ágústsdóttir leiðtogi stafræns umbreytingateymis Sambandsins fer yfir verkefni teymisins á síðasta ári og hvaða verkefni verða í brennidepli á þessu ári. Einnig sýnir Hrund Valgeirsdóttir verkefnastjóri í stafrænni umbreytingu stafrænu vefsíðuna.

Kynning á stafraen.sveitarfelog.is

Sveitarfélögin geta nýtt sér vefsíðu stafræna sveitarfélaga á ýmsan hátt. Hrund Valgeirsdóttir verkefnastjóri í stafrænni umbreytingu hjá Sambandinu segir hér frá því hvað er að finna á vefsíðunni. Hún kynnir meðal annars hvernig Lausnatorgið, Reynslusögur og Kistan geta nýst sveitarfélögum í stafrænni umbreytingu. Einnig kynnir hún áhættugreiningu kennsluhugbúnaðar.

Vefkaffi

Stafræna umbreytingateymið mun halda vefkaffi reglulega fyrir starfsfólk sveitarfélaga þar sem verða kynningar á ýmsum stafrænum lausnum. Vefkaffi eru spjallstofur þar sem kynningaraðilar fá tækifæri að kynna sínar lausnir og fyrirtæki.

Tekið er á móti hugmyndum um næstu vefkaffi hér á síðunni.

Vefkaffi - Samráð við íbúa á netinu í gegnum Betra Ísland

Róbert Bjarnason kemur þann 9.febrúar og kynnir Betra Ísland og hvernig sá vefur getur nýst sveitarfélögunum.

Vefkaffi - Innskráning fyrir alla

Hrefna Lind Ásgeirsdóttir frá Stafrænu Íslandi mun fjalla um eitt af lykilverkefnum Stafræns Íslands, innskráning fyrir alla þann 16.febrúar. Hvernig tryggjum við að allir landsmenn geti nýtt sér stafrænar lausnir án þess að fórna öryggi ? Hver er staðan á verkefninu og hverjar eru áskoranir við það.