Spjallmenni

Markmið

• Hanna sameiginlegan grunn fyrir spjallmenni fyrir sveitarfélögin
• Kaupa sameiginlega lausn sem aðlöguð er hverju sveitarfélagi
• Fleiri þjónustubeiðnir afgreiddar í fyrstu snertingu án aðkomu starfsfólks

Ávinningur

• Bætt þjónusta við íbúa sveitarfélaga
• Aukið aðgengi íbúa að upplýsingum og þjónustum sveitarfélaga
• Minna álag á starfsfólk
• Hærra hlutfall þjónustubeiðna leyst án aðkomu starfsfólks sveitarfélaga
• Lækkun kostnaðar
• Upplifun í takti við nútímann og framtíðina

Gervigreindarspjallmenni

Í október 2023 gerði Samband íslenskra sveitarfélaga samning við danska hugbúnaðarfyrirtækið Cludo um að innleiða heildstæða lausn fyrir vefsíður sem innifelur í sér hefðbundna leit og gagnvirkt gervigreindarspjall sem nýtir risamállíkan (GPT-4). Lausnin er afurð samstarfs Cludo og Miðeindar þar sem leitarvélin kemur frá Cludo og gervigreindarspjallmennið frá Miðeind. Sveitarfélögin í samstarfinu fá uppsetta leitarvél sem byggir á gervigreindarspjallmenni á sína vefsíðu með notendavænu viðmóti ásamt greiningartóli sem inniheldur meðal annars upplýsingar um umferð og eðli spurninga frá íbúum.         

Samningurinn er þróunarsamningur og gildir frá 1.mars 2024 til 1.mars 2025. Eftir að þróunartímabili lýkur geta sveitarfélögin sjálf haldið áfram að nýta lausnina og gert nýjan samning við Cludo. Innleiðing mun fara fram frá nóvember 2023 og ljúka fyrir 1.mars 2024. Innleiðingin mun að fyrstu innihalda leitarvélina, svo bætist við lausnina gervigreindarspjallið í kringum áramótin 2023/2024.

Verkefnið var kynnt á ráðstefnunni stafræn sveitarfélög – samvinna er lykillinn þann 6.október 2023.